Dottinn í'ða eina ferðina enn ??

Karlræfillinn á nú ekki sjö dagana sæla, farinn að rugla aftur um miðja nótt sýnist mér (kl 1.57)  Það hlýtur að halda verulega fyrir manninum vöku, hversu hratt nú opinberast sukkið í kringum Samfylkinguna.  Flokkurinn sem barðist harðast gegn fjölmiðlafrumvarpinu á sínum tíma. 

Og svo kemur Reynir Traustason - hinn trausti - er nú lygari - og allt traustið hrynur - og Össur fer á flug um miðja nótt. 

Nú ber að verja Bessastaðabóndann - hinn fyrrverandi virta fjármálaráðherra - eða hitt þó heldur - og núverandi klappstýru auðmannanna fyrir að (mis)nota síma embættisins sem nemur 19.000 kr. á dag.

Össur - þú verður aldrei marktækur stjórnmálamaður.

Bókhaldsgögnum forseta stolið?

Athugasemdir

[Grétar Mar Hreggviðsson, 17.12.2008 kl. 11:53]

Hversu alvarlega á maður að taka athugasemdir frá þeim sem ekki þora einu sinni að koma fram undir nafni?  Viltu ekki bara halda þig á slúðursíðunum með hinum bullustömpunum þangað til þú hefur eitthvað vitrænt að segja?

[Helena Hafsteinsdóttir (IP-tala skráð) 17.12.2008 kl. 13:22]

Mér finnst það nú ekki skipta neinu máli hvort að fólk komi undir nafni eða ekki, Grétar hvað myndir þú gera ef að viðkomandi skrifaði nafnið sitt Sigurður Jónsson færir þú að leita í þjóðskrá.....þetta er málefnanleg umræða og á alveg rétt á sér - össur á erfitt hann er ekki hæfur til að vinna þarna - heldur ætti bara að senda hann vestur á land og láta hann vinna í sinni sérgrein - eðlun Laxa og hann getur fengið dýralækninn Árna Matt með sér.

[Smári Roach Gunnarsson (IP-tala skráð) 17.12.2008 kl. 13:32]

Ég á erfitt með að sjá að 19þ á dag séu einhver svaka útgjöld fyrir allt forsetaembættið þar sem millilandasaskipti eru mikil og símtöl á landinu eru langt frá því að vera ódýr =/

[Sigurður Sigurðsson, 17.12.2008 kl. 14:13]

Sæll Grétar og þakka þér ábendinguna.  Ekki misskilja mig, ég þori alveg að koma fram undir nafni, það hentar mér hinsvegar ekki með tillliti til vinnu minnar.  Ég vil þó taka það fram að ég er ekki Davíð Oddsson, þó ég hafi verið stimplaður hann.  Hinsvegar er ég mikill stuðningsmaður hans og hef alltaf verið. 

[N6 (IP-tala skráð) 17.12.2008 kl. 14:15]

Össur má eiga það að hann segir eitthvað sem síðan hver og einn getur haft skoðun á og hann er ófeimin við að standa í skoðanaskiptum við þjóðina.Það er meira en hægt er að segja um ýmsa aðra ráðherra. ÓRG er okkur síst dýrari en aðrir forsetar og úrtölupíkur hömuðust líka á Vigdísi á hennar tíð fyrir sömu sakir. Leiðindanöldur innanúr íhaldsmúrnum. Þeir vilja embættið burt þar sem þjóðin hefur ekki viljað líta við frambjóðendum Sjálfstæðisflokksins.(Sjálfgræðiflokksins sk. Matthildingum.)

[Grétar Mar Hreggviðsson, 17.12.2008 kl. 14:36]

Ég hefði kannski frekar átt að nota orðið "vilja" í stað "þora" í fyrri athugasemd, það var það sem ég vildi sagt hafa.  Ég hef alveg skilning á því ef menn vilja ekki koma fram undir nafni, m.a. vegna vinnu eða slíks, skrifin verða þá bara að skoðast með þeim fyrirvara.

Helena talaði um málefnalega umræðu í athugasemd 2.  Mig langar aðeins að segja nokkur orð um það:  "...núverandi klappstýru auðmannanna fyrir að (mis)nota síma embættisins...", eða þá "Össur - þú verður aldrei marktækur stjórnmálamaður".  Þetta er ekki málefnaleg umræða frekar en ég veit ekki hvað, svo við tölum nú ekki um sumar af fyrri færslunum, sem dæmi: "Hann [Össur] hatar náttúrulega Davíð", eða  þá "þú [Ingibjörg Sólrún] gerðir það með undirlægjuhætti við útrásarfuglana, gagnrýnislaust, og með dyggri aðstoð Bessastaðabóndans".  Þetta hefur bara ekkert með málefnalega umræðu að gera. 
Að sjálfsögðu er öllum frjálst að lýsa skoðun sinni á mönnum og málefnum, og það er nákvæmlega það sem þetta er: gildishlaðnar setningar byggðar á skoðunum eins manns.  Ef ekki er sýnt að skoðun sé studd staðreyndum hefur hún ósköp takmarkað málefnalegt gildi.

[Sigurður Sigurðsson, 17.12.2008 kl. 14:44]

Þarfnast Borgarnesræða Ingibjargar frá 2003 einhverrar útskýringar.  Sú ræða er til á prenti og er þ.a.l. staðreynd.  Er ekki að koma í ljós um þessar mundir hvers virði lög um eignarhald á fjölmiðlum hefðu verið í dag.  Hræðsla við eigendur sína birtist nú bara í vikunni hjá Reyni Traustasyni.  Var það ekki ÓRG sem stöðvaði það.  Sá gerningur er staðreynd.   Í dag heimtar þjóðin að eitthvað sé gert til að sporna við því að sömu mönnum verði rétt á silfurfati það sem þeir hafa klúðrað. 

Auðvitað er þetta stílfært, en hver heilvita maður getur lesið í svona framsetningu og veit hvað við er átt. 

En til að þú misskiljir mig, þá er ég ekki að segja að þú sért ekki heilvita.  Ég skil hvert þú ert að fara, en er bara ekki sammála.