Hrokagikkur Hollendinga !!

Mér finnst skína hér í gegn einhverskonar hroki í svari þessa manns ?? Vonandi áttar maðurinn sig á því að það er Alþingi Íslendinga sem veitir samþykki sitt á endanum fyrir ríkisábyrgðinni - en EKKI ríkisstjórnin. Hún gerði í buxurnar með sviksamlegum samningum - sömdum af kommissar Svavari og hyski hans.
En sem betur fer komu einhverjir fyrirvarar - sem menn þó deila um að muni duga.

Sömdum við ríkisstjórnina

Athugasemdir

[Helgi Hrafn Gunnarsson (IP-tala skráð) 28.8.2009 kl. 21:00]

Þegar hollenskir bankar hrynja þurfa hollensk yfirvöld að bæta tjónið. Hollendingar hafa glatað þessum fjármunum sem við þurfum að díla við vegna þess að þeir treystu íslensku útibúi sem íslensk stjórnvöld vanræktu að verja.

Er það hroki af þinni hálfu að vilja ekki borga Icesave? Ef ekki, hvað er svo hrokafullt af Hollendingum að vilja það ekki heldur? Þetta voru hollenskir peningar í eigu Hollendinga í vörslu íslensks fyrirtækis á íslenska ríkisábyrgð.

Við getum verið fegin að einhverjir samningar náist, því réttur Hollendinga í þessu máli er yfirþyrmandi. Það sem margir kalla "hótanir" í garð Íslendinga er sú einfalda staðreynd að þegar maður lánar einhverjum sem síðan einfaldlega neitar að borga til baka, þá lánar maður honum ekki. Þar sem peningakerfið sjálft er háð lánum, og íslenskur efnahagur gjörsamlega og algerlega háður erlendu fjármagni, þá höfðum við ekkert val um það hvort ætti að borga þetta eða ekki.

Vertu feginn fyrir þá fyrirvara í þessum samningi sem halda.

[einar (IP-tala skráð) 28.8.2009 kl. 21:00]

Rólegur minn kæri.... Hrokafulla þjóðin Ísland væri nú kokhraust ef að banki í eigu Hollendinga hefði komið til landsins, starfað í nokkra mánuði og tekið til sín milljarða ofan á milljarða og svo bara sagt... "Sorrý, gæjarnir í Landsbankanum sögðu að þetta væri "Tær snilld""

[Helgi Hrafn Gunnarsson (IP-tala skráð) 28.8.2009 kl. 21:09]

Vel mælt, Einar.

[Guðmundur Ásgeirsson, 28.8.2009 kl. 21:29]

Það eru hvorki Hollendingar né Íslendingar sem eiga að borga, þ.e. þjóðirnar sjálfar, heldur mannvitsbrekkurnar sem ráku þessa svikamyllu sem var kölluð banki. Hvaða landi þeir komu frá er algert aukaatriði, en þar sem svikamyllan var rekin frá Íslands ströndum væri eðlilegast að þeir svöruðu til saka frammi fyrir íslenskum dómstólum. Ef íslenska réttarkerfið treystir sér ekki til að taka á málinu væri fyrir mitt leyti sjálfsagt að framselja þá til þeirra sem telja sig eiga óuppgerðar sakir. En þær sakir eru ekki við mig og börnin mín!